Ayuda y devoluciones Ayuda y devoluciones

Ayuda y devoluciones

Ayuda y devoluciones

Puedes contactar con nós pa resolver cualquier dulda…

…llamándonos per teléfono

…unviándonos un corréu

…o contactándonos per

Telegram , Facebook o Instagram

Vamos tratar de resolver les tos cuestiones nel periodu más curtiu posible.

Devoluciones

¿Si me arrepiento de la compra?

Puedes arrepentite de la to compra ensin necesidá de xustificanos nada. Pa ello tienes que contactanos por cualesquier de les víes de contactu enriba mentaes enantes de quince díes naturales desque recibisti’l to pidíu. Tendrás d’unvianos el productu o productos que quieras devolvenos nel so embalaxe orixinal, ensin usar y colos sos precintos intactos (si tien). Una vegada que veamos que tou ta correctu vamos devolvete l’importe total de la to compra, o la parte correspondiente al productu que nos devuelvas. Los gastos d’unviada de la devolución, nesti casu, van correr de la to cuenta.

¿Si un productu me decepciona?

Si un productu nun te satisfai, ta defectuosu o nun se correspuende col productu que t’ufiertáramos, tamién nos lo puedes devolver pola mesma vía. Avísanos (enantes de que pasen 15 díes), cúntanos lo asocedío y vamos date les instrucciones concretes pa resolver el problema lo más lluéu. Nesti casu, si la devolución ta motivada por defectos de fabricación o causes imputables a nós, va devolvésete non solo l’importe de la compra, sinón tamién los gastos d’unvíu de la devolución.

¿Si quiero descambiar un productu?

Tamién puedes optar por descambiar el productu por otru. Nesti casu, tamién tienes quince díes de plazu dende la recepción del pidíu pa comunicanos el to deséu. Si’l cambéu ye vidable, vamos indicate cómo faelo y si la devolución ta motivada por defectos de fabricación o causes imputables a nós, vamos asumir los gastos d’unvíu. Si non, van correr de la to cuenta.

Quiero más información

Si quies conocer más en detalle les nueses garantíes y normes de devolución consulta la nuesa páxina de Condiciones d’usu y venta.
Recordámoste amás que, pa la to mayor seguridá y garantía, tamos sometíos voluntariamente al arbitraxe de la plataforma de Resolvimientu de Pleitos en llínea (RLL) de la Comisión Europea a la que puedes recurrir énte cualquier problema que nun te podamos resolver a la to completa satisfaición.

© 2019 - 2024