Dulces y floritos Dulces y floritos

Dulces y floritos

Dulces y floritos

El café ye’l gran protagonista en Ca Silverio, pero tamién quixímos arriquecer la nuesa ufierta con una gama de productos que se complementen perfectamente cola nuesa bébora favorito o que pueden inclusive compartir el so protagonismu nun momentu dáu. Lo que sí quixímos dende un primer momentu ye, al igual que faemos col café, ufiertar repostería, fervinchos, dulces, cacaos y chocolates de la mayor calidá que nos sía posible. Dica agora, creemos habelo consiguíu con productos como los que vos detallamos de siguío.

Alma Avellana

Alma Avellana ye la creación de la nuesa quería Andrea. Ella defínese como “pedagoga ensin vocación” pero pon tola so pasión na repostería 100% ecolóxica y de comerciu xustu qu’ellabora artesanalmente nel so obrador d’Uxo, equí en Mieres. De contino cuntamos na tienda cola so ufierta de galletes y madalenes ecolóxiques y delicioses, y por encargu faémosvos llegar el restu de los sos productos: los espectaculares brownies o dulces de temporada.

Tes y floritos

Dende’l principiu, en Ca Silverio cuntemos con una cuidada selección de tes y fervinchos d’alta calidá. Na midida de lo posible, tratemos de que sían productos de cultivu ecolóxicu y llibres d’esplotación llaboral. Nesi sentíu, cuntamos cola garantía que nos ufierta la distribuidora alemana Alveus, unu de los principales provisores d’Europa de ferviatos ‘premium’. A les sos presentaciones añedimos otros productos, munchos d’ellos en filtros individualizaos, como la reconocida gama Clipper de sabrosos y orixinales ferviatos ecolóxicos.

Ver productos

Amatller

Presume de ser la marca de chicolates n’activu más antigua d’España. Pero, amás, puede presumir de dalgunos de los chocolates y bombones más finos, arumosos y deliciosos del mercáu. El so productu estrella pa los nuesos veceros ye, ensin dulda, el so chocolate a la taza con un toque de canela y que de casualidá fuera’l primer productu col que se presentó a la sociedá barcelonesa na so fundación en 1797. Ye, poro, el chocolate a la taza más antiguu d’Europa.

Simon Coll

Esta firma chicolatera, hermana de Amatller, ufierta una gama de creaciones chicolateres y de confitería de peralta calidá con recetes que nun arrenuncien a los gustos más actuales. Fundada en 1840, Simon Coll ufierta na actualidá una amplia gama de chocolates en múltiples formatos, dende tabletes y chocolatines a risonderes figures, dalgunes d’elles con temática de temporada.

Cerveza Deva

Cerveza Deva empezó en 2013 la so actividá cola idea d’estender la pasión pola cerveza ellaborada de forma artesanal con ingredientes bien curiaos que, cola maxa fayadizo, dean llugar a bébores vives ya irrepetibles. Dende la so nave de Tinéu, fueron ellaborando recetes temporales que llograron amplia reconocencia ente los aficionaos a una bébora que fai enforma que dexó de ser un meru refrescu. Una d’eses reconocencies foi’l premiu del Certame Internacional de Cerveces Artesanes CICA 2019, de Madrid, que designó al Grisú’ de Deva como meyor cerveza del añu ente toles participantes.

Refrescos

Dende la nuesa apertura quixímos cuntar con una ufierta de refrescos distintos, risonderos, sabrosos y a poder ser respetuosos col mediu. Esa ufierta nun ye nin pretende ser estable, sinón que varia en busca de nuevos sabores que tresciendan les masuñaes propuestes de cola, naranxa o llimón que paecen monopolizar la gama d’arumes que trabaya la industria de les bébores refrescantes.

Galletes

Waffles holandeses, barquillos y galletes artesanales son dalgunos de los dulces que completen la nuesa ufierta. En dellos casos son, amás, un complementu ideal pa regalu gracies a los sos esmerados envases, yá sía en caxes decoraes con detalle o en precioses llates policromaes y animaes. Son auténtiques preciosaes qu’enzarren delicies duces y sabroses ellaboraes con máximu cuidáu.

Productos eco

Cacáu puru en polvu, solubles, edulcorantes o llambionaes son dalgunos de los productos ecolóxicos y/o de comerciu xustu con que cuntamos na tienda. En toos ellos buscamos que la certificación ecolóxica sía la guinda a un productu de la más alta calidá, porque lo fundamental ye’l sabor, la so capacidá pa xenerar sensaciones perpretoses a quien lo lleva a la boca.

© 2019 - 2020