Condiciones d’usu y venta Condiciones d’usu y venta

Condiciones d’usu y venta

Condiciones d’usu y venta

El presente documentu regula los términos de funcionamientu y usu del sitio web casilverio.com y el so conteníu, asina como les condiciones d’alquisición y/o esfrute de los servicios y productos ufiertaos en casilverio.com.

El titular de casilverio.com, d’equí p’arriba “sitiu web”, ye Jesús Manuel González Aizpurua, d’equí p’arriba “el titular”, y titular de Ca Silverio Cafés y Cafeteres, con NIF 11437300K, domiciliu en Doce d’Ochobre, 25 de Mieres (Asturies) y con corréu electrónicu de contactu casilverio@cafesycafeteres.com.

Ye requisitu imprescindible que l’usuariu/veceru llea y acepte los Términos y Condiciones recoyíos nel presente testu. L’aceptación de les condiciones de siguío reseñaes implica que l’usuariu lleó y entiende lo espuesto, que tien edá abonda pa contratar o mercar los servicios y productos ufiertaos al traviés de la web casilverio.com, y qu’asume les obligaciones equí recoyíes.

El titular del sitio web va poder modificar ensin previu avisu les condiciones recoyíes nel presente documentu de Términos y Condiciones, yá sía pa la so adaptación a cambeos llegales, como pa atender a l’actualización de servicios implementaos na mesma web.

Consideraciones previes

El nome comercial Ca Silverio Cafés y Cafeteres, asina como los sos logotipos, isotipos y imagotipos tan rexistraos na Oficina Española de Patentes y Marcas (OEPM) y son propiedá exclusiva de Jesús Manuel González Aizpurua. Cualquier usu del nome comercial que nun cuente col consentimiento espresu y por escrito del titular ta prohibíu. Los logotipos, isotipos y imagotipos de nomes comerciales y marques rexistraes ayenes a Ca Silverio Cafés y Cafeteres son propiedá de los sos respectivos propietarios y apaecen a títulu informativu na web.

El software utilizáu pal funcionamientu del sitiu web cuenta coles sos licencies respectives enumeraes na páxina de créditos y software.

El titular, sacantes se señale lo contrario, ye propietariu o tien usu autorizáu de los demás testos, imáxenes y material audiovisual conteníu nel sitiu web. Sacantes s’esprese lo contario, esi material pue ser utilizáu acordies coles condiciones recoyíes na siguiente llicencia Creative Commons (CC BY-NC-SA 4.0). Cualquier usu que non s’axuste a lo previsto en dicha llicencia va poder ser persiguíu xudicialmente y sometíu a la lexislación vixente na comunidá autónoma del Principáu d’Asturies. Coles mesmes, el titular queda autorizáu al usu del conteníu qu’incorporen al sitio web los mesmos usuarios al traviés de comentarios y formularios y acútase el derechu d’editar, extractar o borrar dichos conteníos. El titular tamién podría poner en conocencia de les autoridaes competetentes cualquier usu que pudiera ser consideráu ilícitu de los conteníos y servicios qu’ufierta’l sitiu web o qu’atentara contra los intereses, el bon nome del titular, del sitiu web o de Ca Silverio Cafés y Cafeteres, o qu’alteriara’l bon funcionamientu del sitiu web.

El titular reconoz que l’actividá comercial desenvuelta al traviés del sitiu web enmárcase na lexislación vixente na comunidá autónoma del Principáu d’Asturies según lo previsto na Directiva 2000/31/CE: comerciu electrónicu na Unión Europea, na Llei 34/2002 de 11 de xunetu, de servicios de la sociedá de la información y de comerciu electrónicu; na Llei 7/1996 de 15 de xineru, d’Ordenación del Comerciu Minorista, y na Llei 9/2010, de 17 d’avientu, de comerciu interior del Principáu d’Asturies.

Creación de cuentes

L’usuariu del sitiu web va poder, si quier, rexistrase en casilverio.com pa la realización d’una compra, y facilitar el so posterior siguimientu y pa la realización de compres socesives. L’usuariu/veceru comprométese a que los datos personales apurríos pa la creación d’eses cuentes van ser fidedignos y van tar actualizaos. La xestión de dichos datos, asina como la supresión de la cuenta, va rexise acordies cola política de privacidá de Ca Silverio aplicable a tol sitiu web. L’usuariu, pela so parte, comprométese a la correcta custodia de la contraseña d’accesu a la so cuenta, y exime de toa responsabilidá al titular en casu de que terceros apuerten a dicha contraseña.

Seguridá

El titular emplega les más altes midíes técniques de seguridá nel so sitiu web. Tolos sos conteníos y procesos realícense sobro un sirvídor seguru encriptáu evitando la llectura o manipulación de datos per parte de terceros. Amás, el titular nun tien accesu a datos confidenciales relativos al mediu de pagu utilizáu pol usuariu, y por tantu tampoco los almacena. Les transacciones mediante tarxeta son tramitaes pola nuestra entidá bancaria y la del veceru al traviés de la plataforma de pagos telemáticos Redsys, entidaes que son les que remanen y, nel so casu, almacenen los datos necesarios pa los pagos.

Ufierta de productos

La descripción de los productos ufiertaos al traviés del sitio web correspóndese coles informaciones de los fabricantes o distribuidores de les marques. Los datos descriptivos y les mesmes imáxenes de los productos tienen un calter puramente ilustrativu. El titular nun ye responsable de posibles cambeos qu’introduza’l fabricante nel diseñu d’embalaxes o en socesives versiones o actualizaciones del productu ufiertáu, magar se compromete a caltener la información actualizada de cada productu nun plazu razonable de tiempu. El titular procura caltener un stock abondu de cada productu p’atender la demanda dientro de los plazos habituales d’entrega (ente 1 y 10 díes llaborables). El sitiu web informa del númberu real d’unidaes disponibles cuando se algama un númberu mínimu d’unidaes en stock. Sicasí, si mientres el procesu de compra acabara l’inventariu d’un productu concretu, el veceru va poder decidir l’anulación del pidíu, el reembolsu del pagu si yá lo ordenara, o esperar al nuevu plazu d’entrega que va depender del fabricante o distribuidor del productu. Nestos casos, l’usuariu/veceru exime de cualquier responsabilidá a mayores del titular.

Política de precios

Los precios de los productos ufiertaos en casilverio.com indíquense n’euros ya inclúin l’IVA y otros impuestos que pudieren ser aplicables. Dichos precios podríen variar en tiempu real mientres el procesu de compra en casu de que la mesma coincidiera con una actualización de tarifes. Sacantes s’indique lo contrario, los precios nun inclúin gastos d’unvíu y manipulación, seguros o cualesquier otru serviciu pol que pudiera optar el veceru. Dichos costos van ser asumíos pol usuariu. El veceru va poder comprobar tolos detalles del so pidíu y el desglose d’impuestos, precios, tarifes de distintos servicios y posibles descuentos, enantes de rematar la compra. Una vegada formalizáu’l pidíu, los precios caltendránse tanto si los productos tán en stock como si non.

Forma de pagu

El titular va poner a disposición del veceru/usuariu los métodos de pagu qu’envalore conveniente pa una transacción seguro y rápido. En principiu, los pagos podrán formalizase por aciu de tresferencia bancaria al númberu de cuenta qu’indique’l titular, por aciu de pagu con tarxeta bancaria al traviés de TPV virtual o de forma presencial en metálicu o con tarxeta na mesma tienda física Ca Silverio Cafés y Cafeteres si se opta pola opción “recoyida en tienda” del productu. Toles compres y transacciones al traviés del sitio web van ser sometíes a confirmación y verificación. Como norma xeneral, el productu nun va ser expedíu hasta que’l pagu sía recibíu pol titular.

Unvíos

Los pidíos nos que nun s’indique la so recoyida en tienda física per parte del veceru van ser unviaos por defectu, y sacantes s’indique lo contrario, a la dirección de facturación introducida pol usuariu. Sicasí, el veceru va poder indicar direcciones d’entrega alternatives. El pidíu va ser unviáu como norma xeneral al traviés d’una empresa de tresporte de paquetería a un destín dientro de la Península Ibérica y les Isles Baleares. Los gastos d’unvíu van calculáse en función del pesu y tamañu del productu y del destín del mesmu. L’importe total del unvíu va dáse-y detalláu al veceru nel momentu de rematar la compra.

El sistema de casilverio.com va unviar un corréu electrónicu automáticu cuando’l paquete salga de les instalaciones del titular con tola información disponible sobro plazos y condiciones d’entrega. Nel interior del paquete añediráse un albarán cola descripción del productu o productos incluyíos nel mesmu.

El sistema de control de la empresa tresportista va verificar la fecha d’entrega del pidíu, momentu nel que van empezar a cuntar los periodos llegales d’aplicación de garantíes y/o derechos de desestimiento del comprador previstos na lexislación vixente. El veceru va ser responsable de verificar que’l pidíu llega correctamente empaquetáu y que nun presenta daños, y exercer nel so casu el so derechu a presentar les reclamaciones qu’envalore xustificaes énte’l tresportista, hasta’l puntu de refugar el paquete si amuesa daños ostensibles. Independientemente d’ello, el veceru va poder ponese en contactu con casilverio.com por cualesquier de les víes disponibles nel sitiu web pa resolver cualquier incidencia.

Devoluciones

-Desestimientu de compra. El veceru tien derechu a arrenunciar de la so compra ensin xustificación dalguna dientro de los 15 díes naturales dende la recepción del so pidíu. En tal casu, y en cuantes comunique’l so deséu al traviés de los calces de comunicación disponibles con esi envís en casilverio.com, el veceru tendrá de devolver los productos adquiríos nel embalaxe orixinal y ensin ser usaos (nel so casu ensin desprecintar) a la dirección de Ca Silverio Cafés y Cafeteres. Una vegada que se compruebe’l productu recibíu pol titular, casilverio.com devolverá l’importe total de la compra nun plazu máximu de 10 díes. Nesti casu, los gastos d’unvíu derivaos de la devolución van correr por cuenta del veceru. Nel casu de devoluciones parciales d’un pidíu, los gastos d’unvíu a reembolsar va ser la resultancia de descontar a los gastos d’unvíu d’entamu, los gastos d’unvíu que se xeneraren pa un pidíu namás colos productos non devueltos.

-Devolución por sustitución de productu. El veceru tien derechu a optar por devolver o reemplazar el productu adquiríu por otru de los ufiertaos nel sitiu web bien porque presente dalgún defectu o nun se correspuenda col productu descritu, bien pola mesma voluntá del veceru. La devolución tendrá de comunicáse dientro de los 15 díes naturales siguientes a la fecha de recepción del pidíu al traviés de los calces de comunicación disponibles con esi envís en casilverio.com. El veceru tendrá de devolver los productos nel embalaxe orixinal y nel so casu ensin ser usaos y/o ensin desprecintar, a la dirección de Ca Silverio Cafés y Cafeteres. Una vegada que se compruebe’l productu recibíu pol titular, va proceder a la unviada del nuevu productu a la dirección que designe’l veceru o al so reembolsu. Nesti casu, los gastos d’unvíu derivaos de la devolución van correr por cuenta del veceru sacantes la devolución tea motivada por defectos de fabricación del productu o erros imputables al titular del sitio web, qu’en tal casu va asumir dichos gastos. Nesti puntu, va considerase desproporcionáu cualquier costu d’arreglu y/o devolución que los sos costos entepasen el preciu total del productu nuevu. En tal casu, el titular del sitio web puede optar pol reembolsu de la compra como vía pa cubrir esta garantía. El titular va resolver tolos casos nun plazu máximu de 10 díes dende la recepción del productu devueltu.

Garantíes

Tolos productos ufiertaos na web son nuevos, sacantes alvertencia de lo contrario, y cunten coles sos correspondientes garantíes llegales. Los productos d’alimentación son productos non perecederos, fueron almacenaos de forma fayadiza, expídense n’embalaxes afayadizos pal so óptimu caltenimientu, y unvíense en perfectes condiciones pal so consumu dientro de les llendes afitaes poles sos respectives feches llende de consumu preferente.

Los demás productos cunten por norma xeneral con dos años de garantía del fabricante nos términos que recueye la lexislación vixente. En determinaos productos, esa garantía podría estendese a criteriu del fabricante nes condiciones que se detallen na correspondiente documentación que va ser apurrida xuntu col productu. Los defectos o desperfectos debíos a un incorrectu usu o manipulación de los productos, al marxe d’axustar nos correspondientes manuales d’instrucciones, o les gastadures producíes por un usu normal del productu, nun tán cubiertos pola garantía.

La responsabilidá del titular del sitio web, sicasí, va quedar llindada al importe del pidíu, nun pudiendo imputáse-y responsabilidá por daños de cualquier tipu y naturaleza, directos o indirectos, resultantes d’un funcionamientu o usu desaparente o incorrectu de los productos comercializaos.

El titular tamién ta exentu de cualquier responsabilidá por incumplimientu del contratu suscritu col veceru por motivos de fuerza mayor, que pudieren derivase na indisponibilidad del productu o en retrasos más allá de los plazos axustaos pal tresporte y entrega de los productos expedíos.

Arbitraxe

Énte un posible conflictu ente’l titular y el veceru al rodiu del contratu suscritu cola compra d’un productu, dambes partes van poder recurrir a la europlataforma d’arbitraxe gratuita pal resolvimientu de pleitos en llínea (RLL) de la Comisión Europea. Trátase d’un organismu de resolvimientu de pleitos neutral qu’ayuda a consumidores y empreses a resolver pleitos evitando confrontaciones. Suel ser menos costosu y más rápidu qu’allegar a los tribunales.

Xurisdicción

En casu de que se diera discutiniu que nun se pudiera resolver de común alcuerdu o por aciu el sistema d’arbitraxe en llínea de la Comisión Europea, dambes partes sométense, con arrenunciu espresu al so fueru propiu o a cualesquier otru que, nel so casu, pudiera corresponde-yos, a la competencia de los Xulgaos y Tribunales españoles más próximos a la casa del usuariu/veceru o, nel so casu, a los más próximos a Mieres (Asturies, España).

© 2019 - 2020