Quién somos Quién somos

Quién somos

Quién somos

El café ye una bébora lleno de tópicos y llugares comunes. Ye parte indispensable de la despensa de trés cuartes partes del planeta pero, coles mesmes, ye un gran desconocíu pa la mayoría.

Ca Silverio Cafés y Cafeteres naz d’esi desconocimientu, d’esa ignorancia que da pasu a la pasión por cada nuevu descubrimientu. La impresionante bayura de cualidaes organoléptiques al algame de too tipo d’olfatos y gustos, la versatilidá y cencellez de los sos métodos de preparación y la milenaria hestoria que ta detrás del so consumu, ye daqué que xustifica que’l café sía’l motor de munches vides nel mundu, y tamién de la nuesa.

Afayar sabores, recetes, ameyorar y probar métodos de preparación y afondar na conocencia del mundu del café ye’l principal oxetivu de Ca Silverio Cafés y Cafeteres. Queremos ser útiles a quien vea nel café daqué más que combustible pa arrincar cada mañana (que tamién) y prefieran dedicar daqué más de tiempu a lo que beben.

Quien formamos Ca Silverio lleguemos equí dende ámbitos ayenos a la industria del café y más cola idea d’apurrir un espaciu pa probar coses nueves y aprender xuntos, que pa imponer al bebedor de café un determináu perfil de sabor o un métodu d’ellaboración concretu. Sentíivos bienveníos.

 

© 2019 - 2024