Descripción

Café procedente de la finca familiar Chinennahally Estate, allugada a ente 1000 y 1100 metros d’altor nel cordal de Bababudangiri, na rexón de Chikmagalur, nel estáu de Karnataka. El presente llote ye un arábica de variedá S-795 que siguió un procesu llaváu. Ye un café con base de chocolate y notes frutales, de cacaos y especies complementaes con matices lácticos. Presenta un perfil duce, con cuerpu llixeru y acidez nidia y llogra una puntuación SCA de 84 puntos. Importáu por Xorxios y turráu en Llión por cafés San Agustín.

La rexón de Chikmagalur ye considerada’l trubiecu del café na India. Según la tradición, foi equí onde’l santu sufí Baba Budan introdució les primeres granes de café procedente de Yemen nel sieglu XVII, dando orixe a la caficultura del país.

El varietal S795 ye un híbridu desenvueltu na India a partir del encruz ente les variedaes Kent y S288. Foi escoyíu pola so resistencia a la roya del café y la so bona adaptación a les condiciones d’altitú y solombra de los Ghats Occidentales. Produz una taza llimpia, con cuerpu mediu y notes nidies, característica de los arábiques indios calidable.