Descripción

Moccamaster sigui siendo güei la reina indiscutible de les cafeteres de pinga y otru iconu del diseñu industrial cafeteru européu. Fabricada y ensamblada a mano n’Holanda, cuenta con delles certificaciones internacionales, ente elles la de la Specialty Coffee Association (SCA) pola so capacidá pa llograr la meyor estracción de los meyores cafés d’especialidá. El so diseñu y la calidá de los sos componentes llogren una estabilidá térmica idónea pa calecer l’agua siempres ente 92 y 96 graos. A ello suma la disposición del conu de peñeráu y la manera en que s’estena l’agua al traviés de la ducha d’acero pa llograr una estracción consistente, rápida, silenciosa y perfecta gracies a un calculáu tiempu de contactu de l’agua col café molíu de 5 minutos y mediu. Con un diseñu intemporal que se caltién constante sacantes pequenes actualizaciones dende va décades, convierten a la Moccamaster nun iconu duraderu del que yá se fabricaron más de diez millones d’unidaes desque la empresa familiar Technivorm empezara la so actividá en 1968. La Moccamaster cuenta con una garantía de cinco años.