Descripción

Café procedente de la finca de la caficultora Elen Lorencini Moraes, que la so esplotación de Araxá, vien ganando diversos premios a la calidá de los sos cafés na rexón de Cerrado Mineiro. La finca allúgase a ente 1.100 y 1.400 metros d’altor. Dicha rexón -Cerrado Mineiro-, ye la primer denominación d’orixe de café de Brasil. Los plantíos nesa zona allúguense ente los 800 y los 1.400 metros y dan llugar a un café d’alta calidá con una identidá única. Los cafés son “Orixe y calidá garantizaos” pola rexón del Cerrado Mineiro – Xunta Reguladora de la D. O.

El café qu’ufierta equí la esplotación de Elen Lorencini ye de les variedaes Arará, y el beneficiu foi por aciu el procesu natural. Esta técnica consiste n’ensugar al sol la cereza tres la so recueya antes de proceder al triáu pal llogru del granu en verde, d’esa manera, el café resultante contien más azucres y, polo xeneral, un sabor más fondo y más cuerpu.

En cata ye un café con notes enzimátiques de miel, con base achocolatada y notes frutales, de cítricos y miel; ye duce, afrutaú, con cuerpu melgueru y acidez media/baxa.

Turráu en Llión por Cafés San Agustín.