Descripción

Café procedente de la zona de Ngozi, en Burundi, de pequenes finques allugaes a 1.700 metros d’altor y procesaes na estación de llavadura de Musenyi, próxima a la frontera con Tanzania.

Trátase d’un café de la variedá Bourbon, procesáu pol métodu llaváu, que consiste en someter la cereza de café a un procesu de fermentadura controlada n’agua pal so posterior triáu y ensugáu.  Ye un café con arume encimáticu frutal, con base d’ablanes con manteca, con notes a miel, albaricoque, naranxa, flor de café, nuez y especias. El so final ye medianu frutal. Ye un café duce, con cuerpu terso y acidez media y melosa.

Esti café, ye bona amuesa del trabayu entamáu por pequenos caficultores arrexuntaos en redol de la cooperativa burundina Cosdar, enfocada nos últimos años n’una produccion que dexe unes remuneraciones xustes a los sos 3.500 asociaos con criterios de sostenibilidá y procesos de cultivu y selección de cafés d’alta calidá.