Descripción
Café montés proveniente de la área de Guji, na rexón de Oromía, Etiopía. Recoyíu a unos 1.700 metros d’altor y con procesu llaváu, ye un café espresivo, d’arume enzimática floral y notes de miel, albaricoque y llimón sobro una base duce que recuerda a la panela y la manteca. Tien una acidez brillosa pero permediada, cuerpu sedosu y un final mediu, llimpio, floral y frutal. Un café que nun pretende impresionar por esuberancia, sinón por precisión y elegancia. Esti llote foi valoráu con 88,5 puntos según el protocolu de cata SCA.Trátase d’un exemplu de café etíope, que la so singularidá mora na inesistencia de cambéu xenéticu. Ello ye que oficialmente reconócense 37 variedaes etíopes que se acomuñen a les zones nes que crecen, anque s’envalora que puede haber “miles de variedaes ensin esquizar” pel país del que procede’l café.
El café ye producíu por pequenos grupos de llabradores y coordináu pola esportadora que lidera Heleanna Georgalis dende 2008. El so nome ye conocíu nel mundu del café d’especialidá pol so trabayu rigorosu n’Etiopía, onde sigue’l legáu familiar con una visión clara: apostar pola calidá, la esperimentación responsable y el respetu poles variedaes natives.
So la so dirección, les estaciones de llavadura coles que collabora caltienen práctiques consistentes y esixentes: selección manual en cereces, fermentadura controlada en tanques, llaváu meticuloso y ensugáu lentu en cames africanes. Tou esti procesu busca caltener la llimpieza de la taza y destacar les característiques propies del orixe.
Esti café, procesáu n’orixe, ye unviáu a Llión pa ser turráu per San Agustín.
Valoraciones
Inda nun hai valoraciones.