Descripción

Café procedente de la finca El Diamante, na Vereda El Espejo, conceyu de Cajamarca, en Tolima, Colombia, allugada a 1.900 metros d’altor. Anguaño la casería ta siendo rexentada por Neftalí Castro en compañía de los sos padres, Neftalí Castro y Virgelina Velásquez. Él formóse como Técnicu n’alministración cafetera y ye Técnicu agrícola pola Universidá de Tolima.

En marzu de 2017 tomó la rexencia de la finca y empezó la so andadura nos cafés d’especialidá. En 2019 consiguió un bon puestu nel certame Taza d’Excelencia y en 2011 ameyoró la so resultancia quedando en tercer llugar. Neftali cree firmemente que la calidá trabayando con distintes variedaes puede ser la clave para la sostenibilidá real.

Tolima ye la cuarta rexón cafetera colombiana, dempués de la Exa Cafetera (Armenia, Risalda y Caldas), Huila y Antioquia. Bien cutida pola violencia en décades pasaes, la rexón ameyoró notablemente la so situación anque inda hai dellos llugares peligrosos debíu al cultivu de coca y d’amapola.

El Departamentu ye dafechu montascosu, ta dientro del cordal central. Amás de l’agricultura tamién tien una vocación mineru-enerxética importante, anque nos últimos años la comunidá llogró llindar la esplotación minera, particularmente d’oru, pa protexer recursos naturales importantes. Cajamarca ye un exemplu d’esto, siendo’l primer conceyu en prohibir una esplotación minera por votación popular.

Cajamarca nun ye un conceyu conocíu pol so café: conózse-y más bien como “la despensa agrícola” de Colombia y tamién tien importancia la producción de lleche. El café ye daqué novedosu ellí a pesar de que les sos condiciones d’altor y temperatura, son ideales pal cultivu de los cafés calidables. Esa idoneidá ta faciéndose notar nos últimos años coles resultancies llograes na Taza d’Excelencia.

El café qu’ufiertamos de finca El Diamante ye un exemplu de la peralta calidá alcanzada na esplotación de los Castro Velásquez.